O PSdeG-PSOE a través da edil de sanidade, Vanesa fernández, denuncia o uso privativo de recursos médicos públicos por parte de dous membros do Partido Popular de Ponteareas con fins propagandísticos nas redes sociais.

Para Fernández trátase dun caso moi grave pois están empregando recursos dun centro médico público pagados cos cartos de todos os cidadáns.

“É inadmisible que cos recortes que está realizando a Xunta de Galicia e Feijóo á atención primaria, dous candidatos da lista de Belén Villar se dediquen a malgastar recursos públicos para facerse publicidade gratis a costa dos veciños” denuncia Vanesa fernández.

Neste senso, a edil socialista insta a Belén Villar e ao dous membros da lista do PP; Borja Álvarez e Jesús Represas, que pidan disculpas públicamente aos veciños de Ponteareas que están sufrindo a falta dun médico e a todos os pais e nais que ven como o servizo de pediatría está colapsado por mor dos recortes da dereita.

Pola súa parte os socialistas denunciarán estes actos antes a EOXI (Estrutura Organizativa de Xestión Integrada) encargada da xestión da área sanitaria de Vigo na que está integrada Ponteareas pero tamén ante a Valedora do Pobo. “Estamos fartos de que empreguen as institución e recursos públicos. ¿Se fan isto agora que farán se tocan o Concello?.