O que comezou sendo un evento puntual de fútbol sala para dar a coñecer a recén creada Ponte Solidario no 2013 xa é a día de hoxe un clásico das actividades de ocio en Ponteareas para a semana santa, reunindo ata case 40 equipas de Fútbol e Baloncesto loitando por unha sociedade solidaria.

Outro ano máis o Pavillón Álvaro Pino acollerá esta cita coa solidariedade éo deporte os días 18 e 19 de Abril co selo da ONG ​Ponte Solidario​.

Este ano repítese a fórmula da pasada edición que tan boa acollida tivo entre os habitantes, ​as equipas poderán ser mixtas e a categoría de Baloncesto súmase a esta convocatoria​, facendo do Torneo Solidario de Semana Santa unha cita ineludible non soamente para os amantes do fútbol se non que agora tamén para todos os aficionados o basket que queiran sumar o seu grao de area, como non, todo isto baixo unha manta de solidariedade e igualdade.

Ademais coma colofón a esta nova edición, e coa axuda do colaborador invitado “Club Baloncesto Condado”, lanzouse un reto a todos os residentes do Condado Paradanta para visibilizar o deporte feminino : encher o Pavillón de Ponteareas no partido feminino de Baloncesto do domingo 12 de Abril as 12.00h. Esta iniciativa segue a estela doutras grandes equipas como o Moviestar Estudiantes que o pasado Marzo conseguiu xuntar baixo un mesmo teito a máis de 13.000 amantes do baloncesto para ver xogar o seu equipo feminino favorito. Sen dúbida este é o ano das mulleres e Ponteareas quere facer gala disto sumándose a esta clase de iniciativas.

O proceso de inscrición e sinxelo​, todas as persoas interesadas en participar no torneo soamente terán que mandar unha mensaxe de WhatsApp (ou chamar por teléfono) a calquera destes números ​600 584 386 - 622 714 109. A asociación tamén ten habilitados os seus canles sociais (Facebook e Instagram) para poder anotarse, así como o seu correo pontesolidario@gmail.com​.

Para participar as equipas que decántense por fútbol terán que aportar 40€ en total (35€ equipas mixtas), e as de baloncesto 20€ (15€ equipas mixtas), ademais da parte económica a asociación non quere deixar de lado a súa labor de recaudación de alimentos e produtos de hixiene e limpeza, polo que cada xogador terá que aportar un deles por participar (anímase o público a facer unha doazón deste tipo de forma voluntaria). Na categoría de Baloncesto o máximo de participantes serán 5, chegando os 10 para a Fútbol Sala.

Iso si, ​a inscrición terá que ser reservada antes do día 15 de abril, data na que remata o prazo.

Sen dúbida esta trátase xa dunha tradición moi asentada en Ponteareas, que esperamos que sega por moitos anos máis tinguindo o pobo de solidariedade nas vacación de Semana Santa.