A Unión Deportiva Mos pon a rodar a pelota en Semana Santa

O club mosense é organizador e anfitrión do primeiro Torneo Internacional de Fútbol Base “INTERNATIONAL MOS CUP”

Terá lugar os próximos días 18,19 e 20 de Abril no campo municipal de fútbol As Baloutas, situado no polígono industrial da Veigadaña, Mos. Á cita acudirán nin máis nin menos que unha trintena de clubs, representando ás catro provincias galegas e ao Norte de Portugal. Estes clubs achegarán un total de 52 combinados que competirán en cada unha das categorías: Alevín Sub-12 o Xoves 18, Benxamín Sub-10 o Venres 19 e os Prebenxamíns Sub-8 o sábado día 20.

Ao longo dos tres días, 800 xogadores pisarán o céspede de As Baloutas. E virán acompañados de máis de 2.000 persoas en calidade de adestradores, pais, familiares e afeccionados. Sen dúbida unha gran oportunidade para darse a coñecer.

Visitarán campo de fútbol das Baloutas xentes de sitios tan dispares como Vila Praia de Áncora en Portugal, Ribadeo (Lugo), Santa Uxía de Ribeira (A Coruña), A Estrada (Pontevedra), Velle (Ourense) e unha vintena de lugares máis repartidos por toda a xeografía galega e portuguesa.

Cristian Taibo, en calidade de organizador do evento, conta que o torneo xorde da experiencia lograda nos anos anteriores noutro tipo de competicións: “fomos sede de numerosos campionatos e fases finais da federación, nunca organizaramos algo en semana santa pois hai unha chea de torneos por todos lados… pero vimos que nós podiamos montar algo bonito, e fomos a por iso. Este ano é o primeiro de moitos, e queremos crecer paulatinamente tanto en número de participantes como na variedade xeográfica dos clubs, que sexa un dos torneos de fútbol base de referencia no sur de Galicia”.

Os clubs participantes son os seguintes: