Podemos asegura que preséntase ás eleccións municipais en Pontevedra "para traballar nun programa que ten á xente como referencia e obxectivo. Contamos cunha equipa de persoas con ampla experiencia activista nos movimentos sociais, políticos, sindicais, veciñais e na loita polos dereitos da cidadanía".

Desde Podemos Pontevedra aspiran a crear  un parque de vivenda municipal de aluguer, unha proba piloto da "Renda Básica Incondicional" e apostando pola transición enerxética, o transporte público e "unha mobilidade sostible para todo o mundo e para todas as idades".

Outro dos obxectivos será "recuperar para a xente o litoral da ría coa rexeneración da praia de Lourizán e a construcción dun paseo peonil entre Marín e Pontevedra con acceso ao areal da praia: un proxecto que, ademáis de espertar gran ilusión, é de baixo custo, e ten o atractivo engadido de asimilar a paisaxe de Lourizán á que houbo no seu día e á que queremos que volte o antes posible".