Alumnas e alumnos de 4º da ESO e 1º de Bacharelato de cinco centros educativos da provincia de Pontevedra participarán na cuarta edición do programa ' DeporRúArte', centrada en 17 Obxectivos de Desenvolvemento Sustentable da ONU.

Estudantes do IES Chapela de Redondela participan na iniciativa impulsada pola  Deputación de Pontevedra, na que se propuxo aos mozos un proxecto con temas destinados a poñer fin á pobreza, protexer o planeta, reducir a fame, velar pola prosperidade, entre outras. Ademais, con axuda dun  graffitero, realizarán unha práctica na que plasmarán nun gran mural as súas reflexións sobre estes temas.