O gas natural está a deixar de ser o gran descoñecido entre as diferentes opcións mecánicas que se ofrecen hoxe en día e as súas vendas crecen con forza, con SEAT como protagonista. A marca española desenvolve a tecnoloxía GNC para o Grupo Volkswagen no seu Centro Técnico; e dispón da gama de modelos de gas natural máis completa do mercado, con cinco tipos de carrocerías. Pero o uso do gas natural no automóbil non é, nin moito menos, un fenómeno nacional; nin sequera europeo. En Asia hai un parque de 18,5 millóns de vehículos propulsados por gas natural e unha rede de preto de 19.000 gasineras. Este é só un dos moitos datos, reveladores, sorprendentes e curiosos, do uso do gas natural como combustible.

Consumos e custo
O GNC é a solución tecnolóxica máis barata para o consumidor, segundo un estudo realizado por The  European Consumers Organization (baseado no uso dun vehículo compacto durante 11 anos percorrendo 12.900 km por ano). Segundo estes datos, resultou un 7% máis económico que un eléctrico puro, un 11% máis que un diésel, un 18% máis que un gasolina e un 22% máis que un híbrido non enchufable.

O custo aproximado para percorrer 100 Km cun coche de gas natural sitúase entre 2,7 e 3,24 euros por quilómetro. Este gasto é de media un 30% menor que o diésel e un 50% menor que a gasolina, aínda que na gama SEAT a diferenza de aforro dun TGI é aínda maior: tendo en conta o actual custo medio de cada tipo de combustible -0,9 €/Kg de GNC, 1,32 €/ l de gasolina, 1,26 €/ l de Diesel-, e o consumo medio de cada opción do SEAT León, con 20 euros de combustible o León 1.5 TSI 130 CV de gasolina pode percorrer 302 quilómetros; o León 1.6 TDI 115 CV diésel, 376 quilómetros e o León TGI 130 CV de gas natural, 617 quilómetros.

65 gasineiras en toda España
En España existe unha rede de 65 gasineras públicas, unha cifra que está previsto creza ata 100 en 2019.
En 21 das 52 capitais de provincia xa contan cunha gasineira na súa contorna urbana ou na súa periferia, a non máis de 30 quilómetros.

A autonomía homologada dun SEAT León 1.5 TGI con cambio DSG, utilizando exclusivamente GNC como combustible é de 500 quilómetros. Este modelo leva tres depósitos de GNC –dous deles construídos nun composite de fibra de carbono e outro de aceiro- que suman unha capacidade total de 17,3 Kg.

En 2030 o gas natural superará ao carbón como segunda fonte de enerxía máis grande do mundo, tras o petróleo, segundo a Axencia Internacional de Enerxía (AIE).