O Porriño acollerá esta fin de semana  a "I Andaina Popular polo Porriño" organizada polas Novas Xeracións do Partido Popular en colaboración con Cáritas Parroquial San Rosendo de Torneiros co obxectivo de promover o deporte e tamén a solidariedade.

A  andaina, de dificultade media, levarase a cabo o vindeiro domingo, 5 de maio, e está aberta a todos os públicos. Pequenos e maiores poderán participar xuntos desta actividade co único requisito de entregar alimentos non perecedoiros de primeira necesidade que serán doados a Cáritas Parroquial de San Rosendo de Torneiros, entidade que se encargará de repartilos entre as familias que máis o precisen.

 

O evento celébrase este domingo e o único requisito para participar é levar alimentos non perecedoiros de primeira necesidade que serán entregados a Cáritas Parroquial San Rosendo de Torneiros

 

A saída será ás 9:30  h no Parque Infantil, onde se recollerán os alimentos, sendo este o punto de partida dun circuíto circular de 15 kms de distancia e de dificultade media que percorrerá paisaxes dignas de visitar nunha compañía inmellorable, pasando polo Paseo  do Louro, Pontellas,  Orbenlle ou As Gándaras de  Budiño.

Faranse dúas paradas ao longo do percorrido onde haberá  avituallamiento (auga e froita) : unha na Pista de Aeromodelismo de Pontellas e outra no  C. C. de  Orbenlle.

Para máis información, os interesados poden contactar coa organización chamando ao 634 218 975.