Chus Garrote arremete duramente contra Belén Villar, Juán Carlos González Carrera e Lino costas e o seu pacto de bloqueo á aprobación do PXOM. Para Garrote este bloqueo é unha deslealdade aos veciños e veciñas e ás empresas que xeran emprego en Ponteareas.

“A voz dos empresarios e autónomos que xeran emprego e a dos veciños e veciñas de Ponteareas é clara, prefiren un PXOM aínda cos recortes da Xunta que non ter PXOM” afirma a candidata socialista

Ante esta situación, Chus Garrote solicita unha maioría clara o 26 de maio para impulsar de novo o mellor PXOM posible e pide unha mobilización masiva para que o “trío do bloqueo” non volva impedir que Ponteareas teñan un planeamento urbanístico que lle permita volver medrar.

“O pacto do ‘trío do bloqueo’ é unha vergoña e é prexudicial para Ponteareas. Os veciños e empresas precisan dun PXOM, aínda que fose recortado pola Xunta de Galicia, que polo menos lles outorgue seguridade xurídica” indica Chus Garrote.