O secretario xeral dos socialistas da provincia de Pontevedra mantivo este luns un encontro coa candidata á alcaldía de Porriño, Eva García de la Torre, no que se amosou convencido de que o amplo respaldo co que conta a candidata socialista permitiralle volver a ser a alcaldesa do municipio o vindeiro 26M.

Pola súa banda, a alcaldable socialista asegurou que as e os socialistas de Porriño "somos o partido do futuro. Xuntos imos darlle unha volta a Porriño", afirmou, tomando como referencia outras cidades gobernadas polos socialistas "que vimos como cambiaron positivamente". García de la Torre agradeceu o apoio do partido e a presenza de Regades, que simboliza o apoio da Zona Franca, e anunciou que contan tamén coa vontade de ADIF de estudiar un proxecto que permita eliminar el paso a nivel integrándoo no ámbito da zona urbana, unha vella demanda da vila "que queremos que sexa unha realidade" e para a que ADIF móstrase receptiva
"Imos apostar pola humanización da vila e polo impulso dos polígonos industriais, que son o futuro de Porriño, polo que imos apoiar ás empresas e a apostar por formación para os traballadores que se axeiten ás necesidades reais.

O secretario xeral do PSdeG-PSOE da provincia de Pontevedra, pola súa banda, destacou  "o cambio que viviu Porriño nestes catro anos, que permitiu que o concello mellorara en industria, en emprego e igualdade, e temos que consolidalo para outros catro anos máis", afirmou destacando a boa sintonía que Eva García de la Torre mantén tanto coas administracións do Estado coma co resto da área metropolitana, o que vai permitir que se poña en marcha solucións de mobilidade e conectividade para Porriño, solucionando co ADIF o problema da  conexión ferroviaria, e a través da estrada, unindo Vigo e Porriño cunha nova infraestrutura que achegue estas vilas tan íntima e economicamente ligadas, sen esquecer os avances na Cidade do Transporte que ofrecerán grandes oportunidades de crecemento a Porriño.

O secretario xeral tamén aproveitou para anunciar que se están a captar fondos europeos para a posta en marcha de novos proxectos empresariais vencellados coa Zona Franca e que tamén se farán investimentos para a mellora dos polígonos industriais ao tempo que se estudia a posibilidade de ampliar o chan industrial e terciario o que lle permitirá ao goberno progresista do Porriño, da man e Eva e co apoio da Deputación, seguir acelerando o seu avance e conseguir que se goberne "escoitando á xente e traballando para a veciñanza".