Os socialistas de Salceda,  consideramos esencial o coidar e dar servizo os nosos maiores. Salceda debe ter unhas instalacións axeitadas para atender as súas necesidades. Un centro de dia é unha reivindicación vella que debe ver a luz nos próximos anos, a zona do novo centro de saúde debe ser o lugar no que crear ese centro para dar máis comodidade e servizos á terceira idade e ás súas familias.

O Centro Social “A DEVESA” debe ser un auténtico centro social, onde teñan a súa sede todas as asociacións que prestan servizos sociais. Debe ser un centro accesible para todos e contar con actividades para o ocio e lecer deste colectivo.

Creemos preciso poñer en marcha un programa de respiro familiar para os coidadores  de persoas maiores e dependentes centrado na saúde e o ocio. O obxectivo do Psdeg-PSOE é darlle mior calidade de vida e benestar tanto as persoas dependentes coma oó seus familiares.

A infancia, na vila do “baby boom” debe centrar tamén a atención do goberno municipal. Queremos unha nova escola infantil para Salceda e destinaremos unha partida dos orzamentos municipais á infancia.

Usaremos a Escola Unitaria da “Revolta” para para crear un servizo de municipal de conciliación familiar. Axudar ás familias dando servizo os máis pequenos é un dos eixos do programa socialistas, a creación de campamentos tanto no nadal coma no verán buscará axudar á conciliación familiar. Crearemos  o programa “Vacacións en Salceda”, para dar os cativos unha oferta cultural e de ocio máis atractiva.

Verónica Tourón, candidata “as medidas sociais ocupan tamén unha parte moi importante do noso programa, non podía ser doutro xeito, non pode haber progreso se parte da sociedade queda atrás “