A secretaria xeral de Emprego, Covadonga Toca, participou hoxe en Santiago de Compostela na presentación da xornada O futuro da economía social que se celebrará na cidade compostelá o vindeiro 5 de xuño tanto para visibilizar a importancia deste modelo como para celebrar a designación de Galicia como  Rexión Amiga da Economía Social pola Dirección Xeral de Mercado Interior, Industria, Emprendemento e Pemes da Comisión Europea dentro do seu proxecto ESER. Esta iniciativa trata de tecer redes efectivas da economía e innovación social a nivel rexional e local.

 

Destaca o traballo realizado pola Xunta coa posta en marcha da primeira Estratexia de economía social e puxo en valor o labor da Rede Eusumo

 

Neste sentido, a designación da Xunta está avalada pola seu compromiso con este modelo a través da posta en marcha da primeira Estratexia de economía social que impulsará 25 medidas ata 2021 co obxectivo de xerar 3000 empregos e 300 novas entidades, sumando capacidades -a través da promoción de emprendemento entre mulleres, mocidade e o rural galego e a súa difusión entre o alumnado-, sustentabilidade e identidade para darlle unha maior visibilidade. Tamén destacou o labor realizado a través da Rede Eusumo que, ao longo do pasado ano, asesorou un total de 112 proxectos e ofreceu 85 cursos de formación.

A secretaria xeral avanzou que, como é tradicional, xuño será o mes do cooperativismo coa celebración de diferentes actividades para a súa difusión, como o espectáculo Cooperativismo en movemento; o certame Cooperativismo no ensino; unha xornada de portas abertas ou a celebración do Día do Cooperativismo galego.