O vindeiro venres 31 de maio a partires das  10 da mañá celebrarase, no Parque da Canuda de Salvaterra de Miño, a 8ª Xuntanza Escolar Infantil na que participarán os centros escolares CEIP Infante Felipe de Borbón, o CRA A Lagoa, e o CEIP de Leirado, co patrocinio do Concello de Salvaterra de Miño e a colaboración da Policía Local, Policía Nacional, a Garda Civil, e nais e pais voluntarios do centros participantes.

Ó longo da mañá os diferente grupos formados por nenos e nenas de entre 3 e 5 anos dos citados centros educativos, realizarán diferentes obradoiros e actividades como pescar, educación vial, paseos en barca, manualidades,  inchables, obradoiros de xogos psicomotrices.