Hai catro anos entraban no comité de COPO IBÉRICA con catro delegadas dun total de nove, presentando lista tan só no colexio de Especialistas e non Cualicadas. Durante estes catro anos explican que "traballamos arreo para millorar as condicións das persoas traballadoras, e neste traballo topámonos coas trabas da empresa e coa imposición do rodillo da maioría sindical da CIG, cuestión que nos pareceu máis sorprendente, e que impedía constantemente que calquera iniciativa da CUT saíse adiante".

Dende a CUT sinalan que "en máis dunha ocasión tendemos pontes para facer un traballo conxunto e positivo para as persoas traballadoras, pero parecía ter máis importancia criticar á CUT que defender os intereses común"s.

Despois das eleccións sindicais o Comité quedaba constituído por 5 delegados da CUT e 4 da CIG.

"Agradecemos o apoio e recoñecemento das traballadoras e traballadores a nosa lista polo traballo feito. Dende hoxe retomamos o traballo, tendo por primeiro obxectivo sacar adiante o novo convenio. Durante estes catro anos imos tomar as decisións de importancia mediante a convocatoria da asamblea de traballadoras e traballadores. A nosa maioría non será para impor criterios, senón para sentir o respaldo da opinión, agardamos contar coa colaboración dos compañeiros e compañeiras da CIG para defender o interese do común" explican dende a delegación sindical da CUT.