Na segunda reunión entre MS e PSOE, celebrada onte luns 10, por parte de MS recordouse á comisión negociadora do PSOE,"en aras de conseguir un Goberno de esquerdas forte e unido" que o resultado eleccións foi de "1.481 MS – 1.036 PSOE", segundo explican nun comunicado remitido hoxe ós medios.

"Ante a proposta realizada por parte do PSOE trala xuntanza do pasado luns 3 de xuño, na que se nos deu traslado da intención de presentar a candidatura de Verónica Tourón para ocupar o posto da Alcaldía",  MS prantexa "un documento realista e rigoroso, acorde aos resultados obtidos nas eleccións do pasado 26 M, donde o obxectivo é  o establecemento dun Goberno de coalición forte e estable baseado no principio da lealdade entre MS e PSOE. Proponse formar un equipo de goberno que traballe man a man na defensa dos intereses de Salceda".

"Reflectimos a decisión dos veciños e veciñas nos resultados, polo que a Alcaldía correspóndelle a Movemento Salceda, por ser a lista máis votada de esquerdas. A alcaldía acompáñase dunha distribución equitativa dos concelleiros e concelleiras (3+3)".

O documento sobre o que se propón traballar "recolle unha proposta de distribución de áreas e responsabilidades, así como as liñas estratéxicas nos proxectos que deberían ser fundamentais ó longo desta lexislatura" sinalan dende MS.