MS e PSdeG-PSOE asinan o acordo para o Goberno do Concello de Salceda

Establécese o compromiso de iniciar de inmediato os trámites para someterse á Mediación laboral

Tal como xa se adiantou tras o pleno de investidura a Alcadía será rotatoria iniciando o mandato Loli Castiñeira por Movemento Salceda, e continuando Verónica Tourón polo PSdeG dentro de 2 anos.

As dúas formacións estableceron tamén a distribución de áreas e responsabilidades que quedará do seguinte xeito:

GRUPO	AREAS	RESPONSABLE
MS	Persoal, Igualdade e Coordinación de proxectos	Loli Castiñeira
MS	Cultura, festexos, normalización lingüística, asociacionismo, novas tecnoloxías, mocidade e patrimonio	Alex Rodriguez
MS	Vías e Obras, Parques e Xardíns e Servizos Municipais e Mobilidade	Miguel González
MS	Facenda, Réxime Interior, Seguridade e Tráfico e Turismo	Lucía Pereira
PSOE	Urbanismo, comercio e industria, participación cidadá, emprego e formación	Verónica Tourón
PSOE	Ensino, Infancia, benestar social, sanidade e voluntariado	Ángela Ledo
PSOE	Deportes, medio ambiente e medio rural	Rubén González

Ademáis o acordo recolle as liñas estratéxicas fundamentais para o Goberno de coalición:

Por un lado establécese o compromiso de iniciar de inmediato os trámites para someterse á Mediación laboral, tal como xa se comprometera o equipo de goberno de Movemento Salceda ao igual que o PSdeG ante os representantes sindicais antes das eleccións. MS e PSdeG acordaron tamén sacar adiante en paralelo a RPT e o Convenio Colectivo.

Por outra banda o equipo de Goberno iniciará os traballos para aprobar os orzamentos de 2019 canto antes. Asi mesmo o pacto de goberno recolle a elaboración de Orzamentos participativos a partires do ano 2020.

MS e PSOE asinaron este acordo, no que se reflexan moitos puntos entre os que se atopan as medidas anteriores e outras que se irán pondo en marcha ao longo da lexislatura, co obxetivo fundamental "de crear un goberno forte, compacto, leal e que traballe en equipo, nunha situación de maioría que lles permita seguir co proceso de cambio e transformación de salceda iniciado no ano 2007".