O Partido Socialista, facéndose eco das queixas que lle fixeron directamente veciñas e veciños de Puxeiros, presentaron unha moción na que pedían retirar o tráfico pesado do  Camiño do Monte de Cabral polos prexuizos xerados a veciñanza na súa vida cotiá. A bancada socialista decide presentar esta moción despois de falar cos veciños e que lle digan que levan meses intentando obter unha resposta do concello que nunca da chegado.

O Partido Popular alega para non levala a pleno que é un tema no que xa están traballando, a pesares de ser unha medida sinxela dunha zona puntual e que suporía por fin a un problema da veciñanza. A portavoz do grupo socialista, Victoria Alonso, di que "outra vez a prepotencia do Partido Popular deixa ver a súa falta de respeto pola veciñanza, xa que din ter a potestade de levar a pleno as mocións que eles crean convenientes coa finalidade de non permitir o debate de cuestións necesarias para a veciñanza".

Alonso reitera "a urxencia de tomar medidas nesta problemática que é unha cuestión dunha zona concreta e que non suporía solapamento co traballo de retirada do tráfico pesado que din estar a facer". Tamén fai fincapé en que "se atenda as reclamacións da veciñanza para que non se sintan desprotexidos ante un goberno que da a costas en ocasións".