O Porriño acreditase unha vez máis como “O Concello do Deporte” coa achega económica que reciben os nosos clubs por parte da Deputación. A suma das subvencións que reciben para esta anualidade dez clubs do Porriño importa preto de 88.000 euros.

“Esa cantidade supón unha das porcentaxes máis importantes en relación coa poboación de entre os concellos da provincia e reafirmanos no noso alcume de ser ‘O Concello do Deporte’”, segundo valorou David Alonso, concelleiro responsable da materia.

A Deputación establece tres niveis de solicitude en virtude do nivel competitivo: elite, competición federada nacional e competición federada de ámbito inferior a nacional. A través de eses tres niveis establece o baremo das achegas económicas cuia distribución rematou de decidirse esta seman.

Na categoría elite, figura o club “Balonmán Porriño” que recibe este ano unha subvención de 33.000 euros, a máis cuantiosa de entre todos os clubs porriñeses.

No segundo nivel figuran o “Porriño Baloncesto Base” cunha achega de 17.784 €; “Porriño Industrial CF”, 14.085 e o “Club Ciclista Spol”, 5.723 €.

Finalmente no terceiro nivel reciben subvencións da Deputación os seguintes clubs: “C.D. Pontellas”, 6.661 €; “U.D. Atios”, 6.496 €; “A.D. Avanza”, 1.335 €; “Club de Aeromodelismo Furaventos”, 1.141 €; “A.D. A Forna”, 851 € e “Club Colombófilode Porriño”, 716 €.