Un total de cinco vehículos colidiron esta tarde ao seu paso pola Gran Vía, na cidade de Vigo e dúas persoas resultaron feridas.

Sucedeu a escasos minutos das 17:00 horas. Foi a esa hora, cando varios particulares alertaron ao 112 Galicia. Indicaban, ademais, da posibilidade de que un dos ocupantes puidese estar atrapado no interior dun dos turismos.   

Con estes datos, o 112 Galicia ademais de alertar ao Servizo de Urxencias Sanitarias de Galicia-061 e aos Bombeiros de Vigo, pasou aviso á Policía Local e aos efectivos de Protección Civil. Efectivamente, cando os Bombeiros chegaron ao punto, comprobaron que un dos condutores, o que provocou o accidente, quedara atrapado no interior do turismo, polo que foi necesaria a intervención dos profesionais de extinción para evacuar ao ferido.

Unha vez liberado, os dous feridos foron trasladados polos servizos sanitarios de urxencia ao centro hospitalario de referencia.