A alcaldesa de Redondela, Digna Rivas, e o presidente de  Afaga, Juan Carlos Rodríguez, presentaron esta mañá un Programa de Estimulación Terapéutica para persoas con demencia do que se beneficiarán os veciños de Redondela e Chapela.

Estes talleres diríxense a persoas con deterioración leve ou moderada e o obxectivo dos mesmos é retardar o avance da enfermidade a través da estimulación cognitiva e funcional.

Ademais, ponse en marcha un programa de respiro a familiares coidadores, a través do cal se ofrecerá información social, apoio psicolóxico e formación aos/as coidadores/as que o soliciten.

 

Ademais dos talleres de estimulación dirixidos a enfermos leves ou moderados, poñerase en marcha un programa de respiro a familiares coidadores

 

Doutra banda, Digna Rivas destacou que o compromiso do  Concello é dar continuidade a este programa, debido a que era unha necesidade moi grande na localidade, e poder impulsar no futuro unha Unidade Terapéutica de Demencias.

Os talleres terán lugar os luns e mércores no Multiusos dá Xunqueira, en Redondela; e os martes e xoves no multiusos  Pinal  do  Crego, en Chapela.