A Policía Autonómica incautou un total de 2.617 vieiras de gran tamaño non marco dunha operación de investigación de furtivismo na ría de Ferrol, que posteriormente trasladaban a outras zonas da comunidade, preferentemente na ría de Arousa, sen cumprir coas mínimas normas tanto administrativas como sanitarias.

Na madrugada do pasado día 7, axentes do grupo Erpol (Equipo de Resposta Policial) da Policía Autonómica, apoiados polo servizo veterinario da subdirección xeral de Gardacostas, culminaron un dispositivo de vixiancia e seguimento coa incautación de 2.617 vieiras de gran tamaño, cun peso de mais de 650 quilos.  As vieiras intervidas  foron trasladadas para ser resembradas na ría de Ferrol.