O axente porriñés Javier Rodríguez acudiu ó Concello a facer entrega da distinción que recibiu pola súa destacada participación no recente Campeonato de España de BTT para Policías Locais. O axente foi recibido por David Alonso, concelleiro de Deportes.

A proba celebrouse en Colmenar coa participación de 165 corredores de 67 Concellos de toda España. Javier Rodríguez foi cuarto clasificado a 1’49” do terceiro. A proba disputouse nun circuito moi duro de 14 kms, en condicións de moita calor.

Javier Rodríguez ten un palmarés extraordinario. Ten acadadas 10 medallas en Mundiais de policías e bombeiros; nos campeonatos de Europa logrou un ouro é unha prata. Finalmente en Campeonatos de España de BTT para policías locais, colleitou unha prata e un bronce.