A coalición Recortes Cero-Grupo Verde presentou hoxe as súas candidaturas en Pontevedra con Pastora Fernández como cabeza de lista. No acto estiveron presentes Carlos Vázquez candidato ao Senado e Matias Villarejo candidato numero 5 por Pontevedra. A candidatura recolle a outros membros e representantes de colectivos e organizacións que forman parte da Coalición.

O centro do programa é “Redistribuir a riqueza” fronte á recesión que se aveciña e defender que a unidade do pobo en toda España é progresista. O 10 de novembro as papeleteas de Recortes Cero- Grupo Verde estarán presentes en todos os colexios electorais das 52 circunscripciones, con 52 mulleres como cabezas de lista, catro en Galicia, converténdose na primeira candidatura que, non só o  fai, senón que o repite por segunda vez tralo 28 de abril.

Pastora Fernández subliñou na súa intervención ?desde o 28 de abril, non pasou moito tempo pero si moitas cousas, os rumores de recesión económica convertéronse en certezas, e isto sabemos o que significa para a inmensa maioría de nós: recortes?. Esta é, para Recortes Cero ? Grupo Verde a importancia da cita do 10-0.

 

Recortes Cero-Grupo Verde é a única candidatura que presenta, como xa fixo o pasado 28 de abril, 52 mulleres cabezas de lista ao Congreso dos Deputados

 

A cabeza de lista da coalición insistiu na pregunta “que teñen que responder todas as candidatas e candidatos: cal é a súa alternativa ante a recesión económica?”. Para Recortes Cero-Grupo Verde é Redistribuir a Riqueza, “que non significa “repartila” e moito menos aumentar o gasto público”. Segundo Pastora Fernández redistribuir a riqueza é “administrar os enormes recursos que producimos para xerar nova riqueza e emprego, ao servició da inmensa maioría e do noso país”.

Recortes Cero-Grupo Verde marca diferenzas co resto de candidaturas, por exemplo, coas pensións. “Hai que blindar as pensións na Constitución, como defendemos desde o noso nacemento, pero iso non significa blindar o IPC ou o Pacto de Toledo, significa transformalas nun dereito fundamental, prohibindo de forma explícita a súa privatización e a perda de poder adquisitivo”. En Vigo Recortes Cero-Grupo Verde denuncia a compra por un fondo voitre americano o que xa era un hospital privado, Povisa, cuxa carácteristica é que dá cobertura a 150.000 vigueses.

Carlos Vázquez puxo tamén énfasis na “outra encrucillada da esquerda”. Recortes Cero-Grupo Verde preséntase como a esquerda que defende sen ambigüedades que a unidade do pobo de toda España é progresista e “é imprescindible para loitar xuntos contra os recortes”.

Recortes Cero-Grupo Verde, que concorre co Partido Castellano-Tierra Comunera nas 15 provincias castelás, leva nas súas listas ao Senado representantes do mundo da cultura, profesionais e activistas destacados, e nas distintas candidaturas a representantes dos Verdes-Grupo Verde e do Grupo Verde Europeo, converténdose na única candidatura ecologista con presenza en todo o territorio.