O Concello de Vigo participou este xoves nas iniciativas da Asociación Española contra o Cancro para visualizar a súa loita contra a enfermidade e o seu apoio a vítimas e familias. O alcalde, Abel Caballero, acudiu á zona do Farol de Urzaiz onde instaláronse mesas informativas e houbo un pintado de mans como símbolo do apoio ás mulleres que sofren a enfermidade.  

Ademais, por cuarto ano consecutivo o Concello impulsa a iniciativa "Recicla vidro por elas" e instalou dous colectores rosas na Porta do Sol durante dúas semanas co dobre obxectivo de fomentar a reciclaxe de vidro e sumar esforzos fronte á enfermidade.