Unha pota esquecida ao lume foi a causa dun incendio que tivo lugar esta mañá nunha vivenda en Mos. Segundo os datos facilitados ao 112 Galicia, unha persoa presentaba síntomas por intoxicación de fume e foi evacuada a un centro médico polos servizos sanitarios.

Os feitos tiveron lugar na parroquia de Petelos, nunha casa situada no Camiño do Barro, ao fío das 11:30 horas.

Foi unha persoa particular quen deu a voz de alarma ao 112 Galicia e, decontado, o persoal do CIAE 112 Galicia requiriu a intervención de Urxencias Sanitarias de Galicia-061, dos Bombeiros do Baixo Miño e de Vigo, do Servizo Municipal de Emerxencias da localidade, da Garda Civil e da Policía Local.

Unha vez na vivenda, os servizos de emerxencia confirmaron ao 112 Galicia que só ardera a pota esquecida ao lume.