O Rosal conta cun novo vehículo de Policía Local para tarefas ambientais na súa flota, que Tras o proceso de licitación pública pertinente, súmase ó equipamento do Concello un Citroën C5 Aircross.

Na entrega do mesmo estiveron presentes Jose Manuel Cores Tourís, Delegado Territorial da Xunta de Galicia, Marta Fernández-Tapias Núñez, directora xeral de Administración Local, Ánxela Fernández Callís, alcaldesa do Rosal, Germán Fernández Rodríguez, Concelleiro de Tráfico, un representante da entidade adxudicataria, a concelleira do PP María del Carmen Alonso Alonso e o corpo de Policía Local do Concello do Rosal.

A adquisición deste vehículo, financiado pola Xunta de Galicia, ven derivada da sinatura dun Convenio de Colaboración entre Vicepresidencia e a Consellería de Presidencia, Administracións Públicas e Xustiza e o Concello do Rosal, asinado en xullo, para a adquisición deste vehículo.

Desde o Concello do Rosal queren agradecer á Xunta de Galicia toda a súa colaboración, así como a presenza do Delegado Territorial e da Directora Xeral de Administración Local da Xunta de Galicia na entrega do vehículo.