O Grupo Renault, inmerso nunha estratexia crecente de incorporación de materias recicladas aos seus vehículos, iniciou en 2015 o proxecto bautizado Àfiler xunto a Filatures du Parc (empresa de fiado de Tarn, en Francia) e Adient Fabrics France (provedores de tecidos para asentos de automóbiles de Ariège, Francia) co fin de deseñar un produto téxtil único, fabricado de maneira exclusiva a partir de materiais reciclados.

Grazas ao seu dominio do fío cardado e ás innovacións desenvoltas de forma conxunta, este produto téxtil (fabricado a partir de cintos de seguridade, retales de teas procedentes da industria do automóbil e fibras de poliéster extraídas da reciclaxe de botellas de plástico [PET]) reviste a partir de agora ao Novo ZOE nos acabados Zen e Intens. Cunha superficie total de 8 m², este tecido utilízase para fabricar fundas de asentos, o revestimento do cadro de mandos, o acabado da panca de cambios e os embellecedores de portas, e responde a estritas esixencias, principalmente en canto a confort, limpeza, resistencia aos raios ultravioleta e vida útil.

A subministración e a fabricación en ciclo curto do fío  cardado reciclaxe (sen transformación química ou térmica) permiten reducir en máis do 60 % as emisións de CO2 con respecto ao tecido anteriorde ZOE, froito dun proceso de fabricación estándar.