Educación concede os premios ao esforzo e superación persoal de ESO a 20 estudantes

Valoran a capacidade de superación de dificultades do alumnado que cursa 4º de Secundaria, ben sexan de tipo persoal, educativas ou de contorno familiar e sociocultural

A Consellería de Educación, Universidade e Formación Profesional publicaba este xoves no Diario Oficial de Galicia a orde pola que se conceden os premios de educación secundaria obrigatoria ao esforzo e á superación persoal correspondentes ao curso 2018/19. Estes galardóns recoñecen a capacidade de superación de dificultades de 20 alumnas e alumnos que estudaron nese curso 4º de Secundaria, ben sexan de tipo persoal, educativas ou de contorno familiar e sociocultural.

A Consellería destina un total de 15.000 euros para estes premios a razón de 750 euros por cada un dos 20 galardóns que se conceden. A relación de centros con estudantes galardoados é a seguinte:

Provincia	Localidade	Centro
A Coruña	Boiro	IES Plurilingüe A Cachada (2 estudantes)
A Coruña	A Coruña	IES Plurilingüe Rafael Dieste
A Coruña	Fene	CPI A Xunqueira
A Coruña	A Laracha	IES Agra de Leborís
A Coruña	Oleiros	IES Miraflores
A Coruña	A Pobra do Caramiñal	IES da Pobra do Caramiñal
A Coruña	Santiago de Compostela	IES Eduardo Pondal
Lugo	Foz	CPR Plurilingüe Nuestra Señora del Pilar
Lugo	Lugo	CPR Plurilingüe San José
Lugo	Pedrafita do Cebreiro	CPI Uxío Novoneira
Ourense	Allariz	IES de Allariz (2 estudantes)
Ourense	Ourense	CPR Plurilingüe Santa Teresa de Jesús
Ourense	Ourense	CPR Plurilingüe La Purísima
Pontevedra	Silleda	IES Plurilingüe Pintor Colmeiro
Pontevedra	Vigo	IES Valadares (3 estudantes)
Pontevedra	Vigo	CPR Plurilingüe María Auxiliadora

Cómpre subliñar que o obxectivo final destes galardóns é que os premiados sexan un exemplo para compañeiros e compañeiras en situacións similares, poñendo en valor o especial esforzo que supón acadar o éxito na escola.