Abel Caballero deu conta este luns da inadmisión a trámite, por parte da Xerencia de Urbanismo, da solicitude de Porto Cabral de ordenación provisional do sector de solo urbanizable delimitado como "Liñeiriños" por falta de lexitimación da promotora Intu-Eurofund que non é propietaria do solo e, non poden, polo tanto, solicitar a inclusión dese solo na ordenación provisional. Engadiu o rexedor que este caso é diferente ao acontecido noutros ámbitos da cidade, como Cruceiro e Recaré, onde foron os propietarios os solicitaron a inclusión na ordenación provisional. 

Segundo o alcalde, o rexeitamento da petición non é unha decisión política senón que a Concellería de Urbanismo aplicou criterios estritamente técnico- xurídicos ao non ver acreditada a propiedade do solo por parte do promotor, o que motivou a inadmisión a trámite da mesma. Así "non hai vía a través da ordenación provisional para a pretensión de Intu- Eurofund na zona de Liñeiriños".

Eurofund amosa a súa "decepción"

Ante o anuncio do Concello de Vigo de non admitir a trámite o proxecto de Porto Cabral pola vía da Ordenación Provisional,  intu- Eurofund emitiu un comunicado a súa profunda decepción por esta decisión, adoptada "tras oito anos de xestións nos que estivemos mostrando ao Concello de Vigo nosa máxima dispoñibilidade para buscar a mellor fórmula que puidese levar a cabo un investimento de 1.000 millóns de investimento 100% privada (800 de  intu- Eurofund e 200 dos operadores) e 6.450 empregos (4.450 fixos en plena explotación e 2.000 durante a fase de construción)".

Durante estes anos,  intu- Eurofund asegura que logrou "crear un enorme consenso ao redor do proxecto, coa firma de convenios con importantes asociacións de comercio ( Teis, Torrecedeira e Zona Náutico), institucións (AJE, empresarios de Mos, Cogami…) ou asociacións profesionais como as do Taxi, que se verían directamente beneficiadas dun modelo comercial e de lecer de última xeración que atraería por centos de miles de persoas á cidade cada ano e contribuiría coa súa capacidade de atracción a combater ao comercio  online e a fuga de gasto cara a outras áreas". Este consenso esténdese tamén "á propia Comunidade de Montes de Cabral, en cuxos terreos se situaría o proxecto, e cuxa directiva mantén un acordo asinado hai anos con  intu- Eurofund e demostrou que apoia firmemente o proxecto, apoio, por certo, co que revalidou a súa vitoria nas últimas eleccións comunais" explican.

intu- Eurofund lamenta "a decisión do Concello, fundamentalmente, por todos os cidadáns de Vigo, que terían en Porto Cabral unha oferta de lecer á altura das máis atractivas de Europa e para todo o ano, e non só para unhas épocas concretas. Durante estes anos, desde  intu- Eurofund e desde institucións como a Asociación de Novos Empresarios -AJE- encargáronse a empresas  de recoñecido prestixioso diversos estudos de opinión que revelaron, por unha banda, un apoio masivo dos vigueses ao proxecto de Porto Cabral e, por outro, unha deterioración do pequeno comercio motivado polo e- commerce, e non por fórmulas como a de Porto Cabral, que ao xerar máis de 20 millóns de visitas anuais á cidade, acabarían repercutindo positivamente tamén no comercio local".

A decisión do Concello coloca, por tanto, ao proxecto de Porto Cabral nun momento crítico. Como o conselleiro de  intu- Eurofund, Salvador  Arenere, manifestou hai unhas semanas en rolda de prensa, non é posible esperar pola aprobación do Plan Xeral de Ordenación Urbana, polo que abrimos un período de reflexión sobre o futuro dunha localización que sempre consideramos estratéxica.