O Concello de Vigo puxo en marcha esta semana unha nova liña de autobús que une a barrio das Travesas coa parroquia de Alcabre. O alcalde, Abel Caballero, foi o encargado de inaugurar a primeira viaxe dun servizo que chega despois da petición realizada polas persoas maiores que residen no Centro Santa Marta.

O percorrido vai desde a Praza de América, Avenida de Castelao, Tomás Paredes, Avenida Atlántida, Camiño Viña Grande, Camiño Sobreira e Camiño Freixeiro con horarios de saída desde Santa Marta ás 10:15, 16:45 e19:40 horas e saídas desde Praza América ás 12:20, 16:25 e 19:20 horas. 

Caballero indicou que a posta en marcha da liña precisou de modificacións en diferentes viais de Alcabre para permitir o acceso dos autobuses. As saídas desde Praza América ás 16:25 e saídas de Santa Marta ás 19:40 horas están orientadas a visitas de familiares a residentes.