Cita este Nadal co Belén Monumental de Herville

Desde a Asociación Cultural e Social de Herville en Mos convidan a visitar o tradicional  Belén de Herville. Aínda que o formato é de Belén tradicional, nel faise unha adaptación á cultura galega que está presente nos máis de 25 postos que recrean unha zona de mercado artesanal. Neste represéntanse oficios tradicionais galegos coma os de ferreiros, oleiros, telleiros, ferreiros, cesteiros ou incluso os de augardenteiros, como unha das novidades deste ano.

Xa pode visitarse de luns a venres de 15:00h a 21:00h; os sábados de 16:00h a 21:00 e os domingos de 11:00h a 13:00h e de 15:00h a 21:00h. Os días 25 de decembro, 1 de xaneiro e 6 de xaneiro abrirán de 16:30h a 21:00h.