O LY 650 é a nova manifestación do compromiso de Lexus de transcender o mundo do automóbil para ofrecer experiencias innovadoras. A partir do prototipo Lexus Sport Yacht, mostrado por primeira vez en xaneiro de 2017, o LY 650 presenta un estilo singular e unha navegación soberbia. Lexus, que aspira a ser unha auténtica marca de estilo de vida  premium, fusionou tecnoloxía avanzada e artesanía para proporcionar unha experiencia insubstituíble que estimula os sentidos e supera as expectativas dos propietarios, mesmo no mar. Este iate insignia LY 650 é a nova representación da filosofía “ARTESANAL” de Lexus, que pon unha atención exquisita aos detalles e unha hospitalidade que prevé todos os aspectos posibles.

A forma do casco, o abundante volume da popa e outros elementos, ademais das fermosas liñas curvadas, confiren ao LY 650 un estilo exterior característico sen precedentes. A colaboración co estudo italiano de deseño de iates Nuvolari Lenard deu lugar a un deseño avanzado e un confortable espazo habitable interior que dá mostras de calidade en cada detalle. Por outra banda, na procura dunha navegación que alcance o estimulante rendemento dun Lexus, o iate conta cun casco de material composto lixeiro e moi ríxido que combina plástico reforzado con fibra de carbono – CFRP, Carbon Fiber- Reinforced Plastic– e plástico reforzado con fibra de carbono – GFRP, Glass Fiber- Reinforced Plastic–, desenvolto en colaboración con Marquis Yachts LLC.

Ademais, o LY 650 está equipado con LY-Link, unha tecnoloxía avanzada de conectividade para embarcacións, que comparte información diversa cando se necesita e permite controlar varias funcións do iate.

LY 650 fabricouse en colaboración cos artesáns de Marquis Yachts en Pulaski (Wisconsin, EE.UU.). Co inicio da fabricación do LY 650, Marquis Yachts aplicou o recoñecido Sistema de produción de Lexus nos seus procesos produtivos para mellorar a eficiencia e a calidade.