VIII Gala do Deporte Tudense
![[Img #59643]](https://xornal21.com/upload/images/01_2020/3740_concello-de-tui-gala-deporte-ax_0.png)
O venres, 28 de febreiro, ás 20.30 horas, no Teatro Municipal de Tui celebrarase a VIII Gala do Deporte Tudense 2019.
Este evento ten coma obxectivo recoñecer o traballo realizado polos distintos deportistas e clubs tudenses, nas distintas categorías establecidas polo xurado, deportista masculino e feminino, deportista masculino e feminino promesa, deportista masculino e feminino sub23, deportista masculino e feminino adaptado, deportista masculino e feminino veterano, club deportivo e club deportivo na promoción do deporte base, adestrador, firma comercial e entidade colaboradora co deporte.
No transcurso da VIII Gala do Deporte Tudense, ao igual que nos últimos anos, realizaranse distintas homenaxes a persoas que marcaron un antes e un despois na historia deportiva do concello. Do mesmo xeito haberá un recoñecemento ás e aos deportistas tudenses que participaron nos campionatos do Mundo e de Europa neste ano 2019.
