A presidenta da Deputación, Carmela Silva, recibiu no Pazo Provincial a Carmen Fidalgo, deputada do estado brasileiro de Bahía, membro da Mesa do Parlamento, experta en urbanismo e recoñecida activista feminista no país sudamericano. Foi Fidalgo, que é de orixe galega (en concreto do concello pontevedrés da Cañiza) quen solicitou este encontro, ao amosar o seu interese por coñecer a Carmela Silva, a quen considera un referente en España na aplicación de políticas de igualdade e na defensa do feminismo.

No encontro, Silva entregoulle como agasallos á deputada unha figura dunha Menina, un alfinete de ouro co escudo da provincia e o libro de Diego Piay sobre María Vinyals.