A directora de Turismo de Galicia, Nava Castro, participou hoxe en Fitur na presentación Xeodestino Terras do Condado a Paradanta, turismo dez: moito por ver, onde celebrou o impulso turístico que está a ter este xeodestino desde a súa creación en 2017. Desde este tempo vén sendo apoiado pola Xunta de Galicia, colaborando na posta en marcha de plataformas de promoción ou desenvolvemento de produtos turísticos.

A directora de Turismo puxo de manifesto os traballos para crear unha rede de miradoiros e observatorios nocturnos que están a levar a cabo algúns concellos do xeodestino, como o das Neves, ao abeiro da liña de axudas da Xunta para mellorar as infraestructuras turísticas. Tamén salientou o potencial que este destino poderá ter en 2020 especialmente asociado ao seu potencial fluvial, as súas celebracións de interese turístico ou a súa condición termal.