A semana pasada tivo lugar na Casa da Cultura, unha “ Xornada de sensibilización de primeiros auxilios”, organizada polo Concello de Salvaterra de Miño en colaboración cá Cruz Vermella.

Unha experiencia verdaderamente satisfactoria, onde os alí presentes poideron aprender o procedemento básico de atención humana  ante distintos casos e situacións posibles de urxencia vital.

“Nestas situacións de urxencia vital, onde cada minuto conta, é importante que todos nos conciencemos da necesidade de coñecer estes simples pero vitales mecanismos que nos permiten en moitos casos salvar vidas, ademáis de aumentar notablemente o número de posibilidades de evitar futuras lesións irreversibles”, comentaba a Alcaldesa no comezo da xornada. 

É intención do Concello de Salvaterra achegar ós seus vecinos máis xornadas de este tipo, animando a todos os vecinos a participar nestas actividades de gran importancia no ámbito da saúde e seguridade.