Os Concellos de Nigrán e Gondomar, ante a traxedia vivida hoxe no mar, suspenden todas as súas actividades festivas e culturais previstas namentres continúen os labores de busca de Jorge Emilio Martín Costas, mariñeiro de Panxón desaparecido no naufraxio do Marsua J., ao tempo que, en nome de toda a veciñanza, traslada todo o seu apoio e solidariedade á familia. Igualmente, o Concello de Nigrán expresa as súas condolencias e pesar pola morte do seu compañeiro José Manuel Freire Leyenda, mariñeiro veciño de Baiona.

O goberno de Gondomar tamén anuncia a suspensión de tódalas actividades programadas para o martes de entroido e mércores de cinza en sinal de duelo pola morte do mariñeiro Manuel Freire, e a desaparición do patrón maior Jorge Emilio Martín, do pesquero Marsua J., que naufragou onte a tarde nas inmediacións das Illas Cíes.