Os profesionais das TIC e do turismo reúnense mañá xoves, 27 de febreiro, en Santiago de Compostela na I Xornada de Turismo e Tecnoloxía ‘Loop Congress’, un evento organizado conxuntamente polo Clúster TIC de Galicia e o Clúster de Turismo de Galicia en colaboración co Instituto Galego de Promoción Económica (IGAPE), Turismo de Galicia e a Xunta de Galicia.

O congreso, dirixido a profesionais do sector TIC e do turismo, ten como obxectivo que se poidan descubrir as vantaxes que esta unión pode aportar ás empresas, coñecendo as novas tendencias do Social Selling e aplicando tecnoloxía baseada no Big Data.

A xornada contará cos expertos no sector Alex Rayón, director en Big Data na Universidade de Deusto, e Alex López, profesor da Universidade de Navarra en Social Selling, que analizarán as novas tendencias en Big Data e Social Selling, e os resultados do traballo conxunto do turismo e a tecnoloxía.

O ‘Loop Congress’ acollerá, ademais das ponencias destes dous expertos, unha mesa redonda sobre a preparación do sector turístico ante as tecnoloxías disruptivas, una charla sobre a visión da administración na actividade turística de Galicia e pechará cunha xuntanza de networking entre os socios do Clúster TIC e do Clúster de Turismo.

Data: 27 de febreiro

Horario: 9.30h a 17h.

Lugar: Edificio CINC (Centro de Innovación Cultural), na Cidade de Cultura de Galicia (Santiago de Compostela)

Máis información: https://loopcongress.com/