PROVINCIA
Dous millóns de euros para as liñas 2 e 3 do Plan Concellos
Carmela Silva anuncia que outros sete concellos da provincia poderán contratar 116 traballadoras e traballadores
A Xunta de Goberno da Deputación de Pontevedra vén de aprobar a primeira relación da Liña 2 e a sexta concesión de subvencións da Liña 3 do Plan Concellos. Así o anunciou a presidenta, Carmela Silva, explicando que o investimento total destes dous paquetes de accións de cooperación ascende a case dous millóns de euros. Desta cantidade, 722.675,61 euros corresponden á Liña 2 de amortización, pagamento de débedas, gastos correntes e actividades; mentres que outros 1.248.031,89 euros derivan das achegas da Liña 3 de Emprego.
Un total de 18 concellos serán beneficiarios da Liña 2 (Agolada, Baiona, Barro, Cerdedo-Cotobade, Covelo, Crecente, Cuntis, A Estrada, Forcarei, Fornelos de Montes, A Lama, Moaña, Pazos de Borbén, Poio, Ponteareas, Portas, Silleda e Vilagarcía de Arousa). Sobre a finalidade destes investimentos, Carmela Silva explicou que a maioría de peticións dos 18 concellos que entran nesta nova xeira van estar dedicadas a actividades sociais. Deste xeito, Barro solicita 30.000 euros para a Festa do Viño, Cerdedo-Cotobade 23.000 para a Festa do Petote, a Transgalaica, os Campamentos e o Entroido e Baiona 52.000 para a Festa da Arribada e Sons do Casco, entre outras. A presidenta concluíu, á vista da relación, que o apoio da Administración provincial permite aos concellos celebrar “as súas grandes actividades culturais, sen ter que contar con tódolos recursos que poñemos á súa disposición dende outras áreas”.
A presidenta subliña que 18 concellos organizarán “as súas grandes actividades culturais” co apoio da Administración provincial
Por outra banda, a sexta concesión de subvencións correspondente á Liña 3 de emprego achegará investimentos a 7 concellos da provincia: Barro, Catoira, Gondomar, Lalín, Mondariz, Poio, Sanxenxo. “Estes concellos van contratar 116 traballadoras e traballadores municipais, entre os que se atopan operarios de parques e xardíns, administrativos, técnicos ou técnicas de turismo, animadores ou animadoras socioculturais. Trátase, por tanto, de empregos que permiten atender a cidadanía en todos os eidos dos servizos dos concellos”, comentou a presidenta da Deputación sobre os perfís solicitados. Así, a selección deste persoal faise, entre persoas desempregadas, a través do Servizo Público de Emprego e os contratos estenderanse ata o 31 de decembro deste ano 2020.
A Xunta de Goberno da Deputación de Pontevedra vén de aprobar a primeira relación da Liña 2 e a sexta concesión de subvencións da Liña 3 do Plan Concellos. Así o anunciou a presidenta, Carmela Silva, explicando que o investimento total destes dous paquetes de accións de cooperación ascende a case dous millóns de euros. Desta cantidade, 722.675,61 euros corresponden á Liña 2 de amortización, pagamento de débedas, gastos correntes e actividades; mentres que outros 1.248.031,89 euros derivan das achegas da Liña 3 de Emprego.
Un total de 18 concellos serán beneficiarios da Liña 2 (Agolada, Baiona, Barro, Cerdedo-Cotobade, Covelo, Crecente, Cuntis, A Estrada, Forcarei, Fornelos de Montes, A Lama, Moaña, Pazos de Borbén, Poio, Ponteareas, Portas, Silleda e Vilagarcía de Arousa). Sobre a finalidade destes investimentos, Carmela Silva explicou que a maioría de peticións dos 18 concellos que entran nesta nova xeira van estar dedicadas a actividades sociais. Deste xeito, Barro solicita 30.000 euros para a Festa do Viño, Cerdedo-Cotobade 23.000 para a Festa do Petote, a Transgalaica, os Campamentos e o Entroido e Baiona 52.000 para a Festa da Arribada e Sons do Casco, entre outras. A presidenta concluíu, á vista da relación, que o apoio da Administración provincial permite aos concellos celebrar “as súas grandes actividades culturais, sen ter que contar con tódolos recursos que poñemos á súa disposición dende outras áreas”.
A presidenta subliña que 18 concellos organizarán “as súas grandes actividades culturais” co apoio da Administración provincial
Por outra banda, a sexta concesión de subvencións correspondente á Liña 3 de emprego achegará investimentos a 7 concellos da provincia: Barro, Catoira, Gondomar, Lalín, Mondariz, Poio, Sanxenxo. “Estes concellos van contratar 116 traballadoras e traballadores municipais, entre os que se atopan operarios de parques e xardíns, administrativos, técnicos ou técnicas de turismo, animadores ou animadoras socioculturais. Trátase, por tanto, de empregos que permiten atender a cidadanía en todos os eidos dos servizos dos concellos”, comentou a presidenta da Deputación sobre os perfís solicitados. Así, a selección deste persoal faise, entre persoas desempregadas, a través do Servizo Público de Emprego e os contratos estenderanse ata o 31 de decembro deste ano 2020.
Normas de participación
Esta es la opinión de los lectores, no la de este medio.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
Normas de Participación
Política de privacidad
Por seguridad guardamos tu IP
216.73.216.149