O goberno municipal inicia o trámite de consulta pública previa para a tramitación da modificación da “Ordenanza municipal de taxi de Vigo”, logo da súa aprobación por parte da Xunta de Goberno Local.

A consulta pode facerse a través da web https://consulta.vigo.org durante un prazo de 15 días hábiles para que a cidadanía, organizacións e asociacións poidan facer chegar as súas opinións sobre a ordenanza. A previsión municipal é que a ordenanza poida ser aprobada inicialmente no pleno do mes de maio.

O alcalde avanzou que o Concello quere regular nesta ordenanza o taxi compartido ao ser “importante para Vigo”, onde hai máis de 70.000 persoas que viven en casas unifamiliares en zonas rurais polo que a posibilidade de compartir taxi supón unha vantaxe naqueles lugares aos que non chegan os autobuses. Amais, contémplanse a modificación do máximo de antigüidade do parque móbil que quedaría limitado a 10 anos.

Consulta pública instalación ascensores en fachadas

O goberno municipal mantén aberto ata o próximo 3 de abril o trámite de consulta pública da Ordenanza reguladora para a instalación de ascensores na fachada de edificios construídos de uso residencial no termo municipal de Vigo.

Co obxectivo de favorecer a accesibilidade, a Xerencia de Urbanismo regulará a instalación de ascensores en fachadas de edificios dado que a lexislación vixente permite a ocupación de superficies de espazos libres o de dominio público que resulten indispensables para a instalación de ascensores ou outros elementos cando non resulte viable técnica ni economicamente ningunha outra solución nas zonas comúns da edificación. Coia é a zona da cidade que máis demanda esta solución ao Concello, especialmente a zona da Avenida de Castelao e as rúas Marín e Bueu.

Mellora do Camiño Arrouba en Zamáns

Amais, a Xunta de Goberno Local vén de aprobar o proxecto de mellora da seguridade viaria e a humanización no Camiño Arrouba (Zamáns) cun orzamento base de licitación de 88.000 euros e un prazo estimado de execución de obras de 4 meses. Segundo explicou o rexedor, a obra inclúe o desbroce e limpeza da vexetación, a execución dun muro de 65 metros e a renovación do pavimento existente para estender unha nova capa de rodaxe.