Mañá sábado a partir das 00.00  entran en vigor novas  medidas para frear a expansión do coronavirus.  Poderán permanecer abertas farmacias, gasolineiras, quioscos ou tendas comerciantes polo miúdo de alimentación ( carnicerías,  fruterías, peixarías, panaderías,…) .

Así mesmo deberán de quedar pechadas salas de festas, cinemas, bares, discotecas, centros de lecer infantil, ximnasios, piscinas e albergues do Camiño de Santiago, ademais os tanatorios terán  reducida a súa capacidade a soamente un terzo do aforo permitido. A Xunta asume a tutela dos centros sanitarios públicos e privados da comunidade.

Así o goberno da Xunta de Galicia declarou esta tarde, de urxencia, o estado de emerxencia sanitaria en Galicia para a prevención e contención do coronavirus.

Con esta decisión a Consellería de  Sanidade poderá asumir a coordinación de todos os centros sanitarios da comunidade, tanto públicos como privados, para que se poñan a servizo dos pacientes que o necesiten.

O número de infectados en Galicia ascende a última hora deste venres a 112.