O Concello de Mos volveu recibir da Xunta de Galicia material sanitario de protección entre o que se atopan luvas e mascarillas, que nestes intres trátanse de elementos vitais para dotar ao persoal máis exposto ao virus COVID-19 durante a súa xornada laboral. A administración local mosense leva repartido durante a presente crise sanitaria un total de 2.180 mascarillas.

A alcaldesa de Mos, Nidia Arévalo, informou hoxe de que o Concello mosense ven de recibir novamente estes días da Xunta de Galicia varias caixas de material sanitario con centos de luvas e mascarillas. Material que xa foi distribuído entre o persoal máis exposto ao virus durante a súa xornada laboral como son as os/as traballadores/as do Servizo de Axuda no Fogar, os/as axentes da Policía Local de Mos, Servizo Municipal de Emerxencias, voluntarios/as da Agrupación de Protección Civil, persoal de limpeza, e os profesionais mosenses que están a prestar servizos de primeira necesidade e traballando cara ao público (alimentación, panaderías, farmacias, estancos…) e que están a sufrir a carencia destes elementos de protección.

O Concello recibiu as últimas caixas de material o luns pola tarde e repartiuno durante a xornada do martes, realizando unha reposición completa de mascarillas e material sanitario de protección entre as persoas que máis o precisan no seu día a día.

Desde a Administración autonómica fan fincapé en que todo o material entregado foi inspeccionado e está en perfectas condicións de uso, cumprindo estritamente co procedemento do Ministerio de Sanidade con respecto ao seu uso. A Xunta, a través da Delegación Territorial de Vigo, vén de dotar aos catorce concellos que conforman a área metropolitana con 32.293 unidades de material de protección.