No Porriño miles de autónomos perderon os seus ingresos e algúns incluso se viron na obriga de pechar os seus negocios por mor do confinamento derivado do Estado de Alarma.

O perxuízo económico que para eles acarrea este parón na actividade require que o Concello, como administración máis próxima, poña de inmediato en marcha medidas reais e efectivas para que ningún autónomo ou pequeno empresario do municipio se vexa abocado ao cese definitivo da súa actividade.

Neste sentido o grupo municipal do Partido Popular solicitou un Plan de rescate para autónomos e empresas que contemple axudas directas e indirectas dirixidas a paliaras consecuencias da crise sanitaria ocasionada polo COVID-19. Cabe destacar neste senso, que os populares transmitironao Goberno Municipal a súa renuncia a percibir as súas retribucións por comisións, asistencia a plenos e aportación como grupo municipal todo o ano 2020.

 

Os populares solicitan á Alcaldesa que convoque o pleno, por vía telemática, para abordar varias propostas relacionadas coa crise sanitaria e colaborar co Goberno Municipal

 

Nun escrito rexistrado o pasado 31 de marzo (reiterando a solicitude coa petición de convocatoria de pleno telemático o pasado 2 de abril),  o grupo municipal do PP solicitaba modificar a base do Orzamento Municipal para que ademais, cada corporativo con dedicación, reibaxara a cantidade correspondente á que aportaba cada concelleiro da oposición, así como as aportacións correspondentes a cada partido político polo seu número de concelleiros (8 no caso dos populares).

"Os autónomos e pequenos empresarios requiren medidas urxentes", indicou Alejandro Lorenzo, "Pola nosa banda, modifíquese ou non a base orzamentaria, propoñemos ao Goberno Municipal que se cree unha conta para que os corporativos podamos donar as nosas retribucións e contribuir a crear este fondo de axudas. Pedimos canto antes que se convoque a comisión específica para expoñer as nosas propostas e Plan específico a desenvolver".

Outras solicitudes rexistradas polos populares (18 e 24 de marzo)

• Servizos a domicilio de alimentos ás familias máis necesitadas
• Paralización dos cobros de impostos. Proposta de aprazamento ao ano 2021
• Elaboración dun reglamento municipal que establezca subvencioncións ás pequenas empresas e autónomos
• Cancelación das taxas municipais sobre as terrazas dos locais de hostalería
• Bonificación do 100% ás Asociacións Culturais ou Deportivas do municipio sobre o IBI dos seus locais.
• Bonificación do 100% á taxa de vaciado de fosas sépticas e o seu correspondente transporte.
• O 24 de Marzo ampliando como petición habilitar número de teléfono con atención de 24 horas.
• Nova petición de compra de mascarillas e batas.