No día de hoxe reiniciáronse as obras de construción da estación de autobuses intermodal de Vigo, que está a executar a Consellería de Infraestruturas e Mobilidade. Os traballos continúan coa execución de pilotes de cimentacións necesarias para a estrutura da estación. A continuidade dos traballos, a medio prazo, depende do avance noutras actuacións por parte de Adif e do Concello, especialmente a execución dos accesos, pendente de adxudicar polo Concello.