A Xunta de Galicia vén de reiniciar as obra do novo centro de saúde de Bouzas, que a Consellería de Infraestruturas e Mobilidade está a executar no concello de Vigo, e que permaneceron paralizadas durante as últimas dúas semanas.

 

 

Os traballos nas obras, cun investimento que ronda os 1,4 millóns de euros, están a centrarse na cimentación do novo edificio que albergará o centro de saúde, mediante a execución de micropilotes que soportarán as cargas da estrutura do edificio. Nesta obra tamén se ten executado o sostemento do terreno nunha parte da parcela.