O pasado xoves 14 celebrouse, por primeira vez na historia, un pleno municipal de forma telemática, “pleno retrasmitido en directo no que os seis concelleiros do PP de Salceda anunciamos a aportación do 30% percibido pola asistencia a plenos e comisións nos meses restantes do 2020, e neste pleno preguntamos ós gobernantes municipais se tiñan pensado facer aportación ou doacións dunha parte do seu soldo e non contestaron a pregunta. Isto deixa claro cales son as súas prioridades como dirixentes municipais”. Recalcar que este “pleno foi retransmitido en directo debido a insistencia do noso grupo, porque todos os veciños de Salceda teñen dereito a escoitar os puntos que se debaten, e as propostas que se plantexan desde todos os partidos políticos” sentenciou Santi Davila.

Ademais, o Grupo Popular do PP de Salceda anunciou “un paquete de medidas que contribúan a minimizar o impacto económico e social derivado desta crise sanitaria, “nós debemos velar porque o noso Concello, en función das nosas disponibilidades orzamentarias e persoais, e dado o seu carácter de administración máis próxima ao cidadán, preste a mellor atención posible aos colectivos máis vulnerables, así como aos sectores máis castigados por esta pandemia co obxectivo de que a recuperación económica e social se produza á maior brevidade posible” afirmaou o voceiro popular.

No Pleno debatironse various puntos, entre os cales, o Bigoberno Municipal MS- Psoe non incluiron o debate de ninguna nova medida ás familias, autónomos e empresas de Salceda, sin embargo, os populares de Salceda presentaron mocións, rogos, enmenda e preguntas sobre medidas económicas e sociais, ao igual que fixeron propostas de protección e hixiene a poñer en marcha na nosa vila, “porque o máis importante nestes momentos son as persoas que están a sufrir, dalgunha maneira, os danos do COVID-19”, sinalou o Portavoz do PP.

Sen dúbida, desde o PP de Salceda mostramos a máxima lealdade e coordinación co Goberno Municipal para implementar medidas que garantan a seguridade e a saúde dos cidadáns, pero agora é momento de buscar medidas para paliar os danos causados polo virus no menos tempo posible” dixo Santi Davila.

O paquete de medidas presentado polos populares está dividido en dúas partes: social e económico.
En primeiro lugar medidas sociais, nas que os populares reclamaron reforzo en varias áreas. “Pedimos que se reforcen as partidas orzamentarias en materia de servizos sociais, reforzo da atención, seguimento e subministración de produtos básicos as persoas maiores, dependentes e colectivos vulnerables, e das axudas para gastos de aluguer e entregas de tarxetas de compra para a adquisición de comida en tendas ou supermercados e implantar una sistema de reparto a domicilio dos mesmos naqueles casos que sexa posible. Estas son medidas necesarias porque hai moitas familias de Salceda afectadas pola crise do COVID-19 e é momento de prestarlles toda a nosa axuda” sentenciou o voceiro.

En segundo lugar, este paquete inclúe medidas económicas, “Os nosos autónomos, comerciantes e pequenas e medias empresas precisan que, desde o Concello se estableza un Plan Propio a través de subvencións e bonificacións con axudas encamiñadas a sufragar os gastos e prexuicios causados pola obriga do cese temporal de actividades, ademais de que se proceda a aprobar modificacións das ordenanzas fiscais para eximirlles de taxas municipais asociados á actividade económica, durante o período no que teñan a obriga legal de permanecer pechados ou sin actividade, como a taxa de terrazas, a taxa do lixo e vados, ao igual que tamén proceder a devolución das partes proporcionais das taxas vencidas á actividade económica que, debido ó Estado de Alarma non se teñan realizado, como a apertura de furanchos” dixo Santi.