O departamento de CCSS do IES de Mos comezou este ano un pequeno proxecto ambicioso nos seus obxectivos pero cativo e progresivo na súa aplicación: crear un Arquivo da Memoria Oral de Mos.  O alumando de 4º da ESO e 1º de Bacharelato realizou entrevistas e unha serie de traballo sobre diferentes aspectos da historia de Mos durante o presente curso.

A finalidade do proxecto é confrontar ao alumnado co oficio de historiador/a desde as aulas utilizando as ferramentas das que dispomos. Procuramos facer da aula do instituto un pequeno laboratorio de Historia e reivindicar a Historia como unha ciencia teórica ao tempo que empírica.

Para finalizar o proxecto deste particular ano académico, organizamos un ciclo de conferencias virtuais para reflexionarmos sobre as fontes orais e a Historia desde a experiencia profesional das persoas especialistas e desde a propia experiencia. Serán un total de tres conferencias onde diversos especialistas falarán da súa obra histórica e, tamén, o alumnado exporá os seus traballos baseados nas fontes orais.

Conferencias:

• A 1ª conferencia tivo lugar o mércores pasado e, baixo o título "Investigación histórica e fontes orais: unha reflexión", o profesor da USC Daniel Lanero explicou o uso da entrevistas nas súas investigacións.

• A 2ª conferencia terá lugar este mércores 27 de maio ás 18:00. O seu título “A Represión no franquismo en Mos: Historia e fontes orais”. Intervirán Xoán Carlos Abad (profesor de Historia e Presidente do Instituto de Estudios Vigueses) e Ana Aller (Presidenta da Comisión de Familiares da Memoria Histórica de Mos).

• A 3ª Conferencia estará protagonizada polo alumnado do EIS de Mos. Exporán os seus traballos sobre fontes orais realizados no presente curso. Será o luns 1 de xuño ás 18:0  baixo o título de “A memoria oral no IES de Mos”.

Todas as conferencias serán en directo a través do canal de Youtube “historiasdepaulo”. Unha vez finalizadas, quedarán subidas á plataforma para o seu visionado.