A alcaldesa de Mos, Nidia Arévalo, e as concelleiras de Educación e Política Social e Igualdade, Julia Loureiro e Sara Cebreiro respectivamente, reuníronse esta mañá por videoconferencia dentro da ronda de xuntanzas telemáticas con todos os colectivos do municipio, cos/as directores/as dos 5 colexios públicos e das 3 Escolas Infantís A Galiña Azul mosenses.

Na xuntanza estiveron tamén presentes o secretario municipal e a técnico municipal de Persoal, Recursos Humanos e Prevención de Riscos Laborais.

Os/as centros educativos presentes nesta xuntanza foron os CEIPs de Petelos, Pena de Francia, Mestre Martínez Alonso, Mestre Valverde Mayo, e Atín-Cela; e as Escolas Infantís A Galiña Azul da Porteliña, Cototorrón e Veigadañana.

Os dous temas fundamentais tratados durante a reunión foron os labores de limpeza e mantemento nos centros educativos. Respecto do mantemento as representantes municipais informaron de que os conserxes atópanse realizando estes días tarefas neste senso e que respecto dos protocolos de limpeza, número de operarios/as necesarios/as para cada centro e productos a utilizar iranse concretando cando se aproxime a posible data de reapertura dos centros. Así mesmo, os técnicos municipais informaron aos directores/as dos protocolos actualmente en vigor e puxéronse á súa disposición para asesoralos no que precisen respecto de circunstancias concretas de cada centro en cuestión.

Aproveitouse para lembrar tamén que estará aberto ata o vindeiro venres 29 de maio o prazo procedemento de adxudicación de prazas para as Escolas Infantís da Galiña Azul curso 2020/2021.
https://www.xunta.gal/dog/Publicados/2020/20200515/AnuncioG1342-280420-0001_gl.html

Dada a situación de emerxencia sanitaria a causa do Covid -19 as solicitudes faranse preferiblemente por vía electrónica. As 3 escolas de Mos estan a disposición das/dos usuarias/os para calquer consulta e axuda nos centros sempre con cita previa. O horario de atención das escolas de Moso é de 09.00h a 14.00 horas.