O alcalde achegouse esta semana á reapertura do MARCO, que ofrecerá ao público as exposicións de Yolanda Herranz e Manuel Colmeiro ata o mes de setembro. Tal e como explicou o rexedor, esta instalación abrirá no seu horario habitual e o acceso está condicionado ao cumprimento de todas as medidas de seguridade hixiénica establecidas (máscaras e distancia social). No día de hoxe tamén abriron de novo as súas portas o resto dos museos municipais da cidade: Casa Galega da Cultura, Casa das Artes, Pinacoteca, Verbum, Quiñones de León e o Museo Liste.