O vicepresidente da Xunta, Alfonso Rueda, e o presidente do TSXG, José María Gómez y Díaz-Castroverde, presidiron estasemana a Comisión Mixta de Xustiza, onde acordaron de maneira unánime solicitar ao Ministerio de Xustiza a creación de 3 Xulgados do Social na nosa comunidade, concretamente e por este orden, en Lugo, A Coruña e Vigo.

Alfonso Rueda indicou que “nesta ocasión é máis necesario que nunca apostar pola xurisdición Social e propoñer que todos os órganos xudiciais que se vaian crear en Galicia, sexan órganos do Social. Tendo en conta esta premisa, e xa que o ano pasado propuxeramos a creación do Social en Lugo e o Ministerio de Xustiza inexplicablemente desatendeu esa petición, volvemos outra vez a solicitar a creación dun novo Xulgado do Social na cidade de Lugo”.

 

Alfonso Rueda indicou que ao igual que o pasado ano, estes Xulgados botarían a andar na primeira data que sexa posible polo Ministerio de Xustiza, e dotados de todos os medios que precisen

 

Nestes momentos a xurisdición do Social é unha das que maior carga de traballo ten polo que é preciso darlle saída canto antes aos asuntos pendentes e aos que poidan entrar, xa que moitos afectan a miles de familias galegas, debido á situación de crise económica derivada da covid-19, como poden ser os Ertes ou os despidos.

O Ministerio de Xustiza só asegura a creación dun órgano xudicial en Galicia, pero a Xunta manifesta o seu desexo de optar a máis se outras comunidades renunciasen. Finalmente, o vicepresidente da Xunta, indicou que ao igual que o pasado ano, estes Xulgados botarían a andar na primeira data que sexa posible polo Ministerio de Xustiza, e dotados de todos os medios que precisen.