"Vieiros", unha mostra colectiva e inclusiva de poesía visual instalada na Fundación Pazo de Mos e impulsada polo poeta vigués David Fernández Rivera  ábrese ao público despois de permanecer pechada durante o estado de alarma decretado apenas uns días despois da inauguración da mesma.

 

Na mostra participan un grupo de mulleres con discapacidade intelectual do Centro EVD Galicia de Mos, que expoñen obras creadas nos obradoiros de poesía visual que impartiu o propio David Fernández Rivera no centro ocupacional, xunto a unha selección de destacados poetas visuais, tanto do territorio nacional como de Hispanoamérica.